No Concello de Viveiro iniciáronse as obras de reposición de beirarrúas no primeiro tramo da rúa Cidade de Ortigueira, en Covas, cun orzamento de contrata de 43.606,13 euros.
A rúa forma parte do viario da zona coñecida como cidade veraniega de Covas, sendo un vial onde prima a edificación residencial unifamiliar. Este vial comunica a estrada C-642 co paseo marítimo de Covas, atravesando a avenida de Vilalba e sendo unha das arterias de conexión coa praia de Covas. A día de hoxe, a rúa consta de dous tramos, un dende a C-642 ata a Avenida de Vilalba e outro dende a Avenida de Vilalba ata o paseo marítimo de Covas. Ambos tramos presentan unha situación circulatoria similar, primando a circulación rodada fronte á peonil, dada a inexistencia de beirarrúas que permitan o transcurso peonil das persoas. Unha das zonas do vial ten un pequeno tramo con beirarrúas, sendo discordante co criterio usado na actualidade na zona de Covas, o resto do vial non posee beirarrúas.
Con estas obras preténdese seguir co proceso mellora do entorno da praia de Covas, un lugar de moito tránsito rodado e peonil cunha masiva afluencia de xente en época estival. En concreto, vanse realizar as seguintes actuacións, restituir o tramo de beirarrúa existente próximo ao C-642, homoxeneizalas coas realizadas recentemente noutras zonas de Covas, crear beirarrúas no resto do vial, dotar da instalaciónd e canalizaciónd da rede de alumeado público en todo o vial e repoñer as luminarias no tramo comprendido entre a Avenida de Vilalba e o paseo marítimo.
Esta obra está incluída no Plan Provincial Único de Cooperación cos Concellos 2018, sendo financiada entre a Deputación Provincial de Lugo e o Concello de Viveiro.