Os Campións de Segunda LNFS estrearon look grazas ao gran detalle do seu patrocinador deportivo, Joma, que obsequiou a xogadores e corpo técnico cunha chaqueta personalizada en recoñecemento ao seu ascenso e regreso á elite do fútbol sala.
Joma e Pescados Rubén Burela FS selaron a renovación do seu acordo de patrocinio o pasado verán dando continuidade a unha relación que comezou na tempada 2011-12. A marca española vestirá a toda a estrutura do club laranxa ata 2020, tanto en Primeira División RFEF como Segunda e Primeira LNFS, así como aos máis de 160 nenos que compoñen as categorías de base.
