Desenvolver unha economía sustentable, tamén nos concellos da Mariña lucense, foi obxecto de análise na Universidade da Coruña, nunhas xornadas nas que participaron responsables da Federación Galega de Municipios e Provincias, a Fegamp, cuxo vicepresidente é o alcalde de Cervo, Alfonso Villares.
Os expertos -coma Joaquín Suárez, director da cátedra Emalcsa na institución coruñesa-, debatiron sobre aspectos relacionados coa protección ambiental en campos coma o da xestión de auga e residuos, o patrimonio forestal e a preservación da biodiversidade.
