Skip to main content
ActualidadeSecciones TerraCháXAZonas LUGOXA

O BNG denuncia no Parlamento que moitos centros da Mariña están sen pediatra

Por 13 Agosto, 2019Sin comentarios

A vicepotarvoz do Grupo parlamentario do BNG, Olalla Rodil afirma que ante o “grave deterioro da Sanidade pública, a Xunta responde con tiritas e parches. A deputada nacionalista lembra que lembra que tras un ano do falecemento dun paciente no PAC da Estrada e de numerosas mobilizacións, “o Goberno de Feixóo segue na senda de desmantelar a sanidade pública” como evidencian os graves problemas derivados por falta de persoal, listas de espera en Atención Primaria e que  moitos centros de saúde continúen sen pediatras. Ante esta situación, o BNG exixe á Xunta “menos propaganda e máis recursos”.

A parlamentaria sinala que nos concellos de Abegondo, Oza e Cesuras ou de Barreiros, Mondoñedo e Lourenzá,  o SERGAS non cubre as vacacións das e dos profesionais impedindo que as nenas e nenos accedan á atención especializada durante o verán.

Unha situación, explica, que se estende aos centros de saúde da Coruña,  Salnés ou Moaña onde a falta de profesionais obriga ás persoas doentes a agardar até quince días por unha consulta no médico de cabeceira. 

Para a deputada, a situación na sanidade pública tornase máis grave no período do verán coa chegada de numerosos turistas e emigrantes retornados que incrementan a  poboación en moitas vilas e cidades galegas aumentando tamén a demanda de atención sanitaria e atopando “centros de saúde saturados por falta de persoal” o que provoca  “unha importante merma na calidade asistencial e no dereito a recibir unha atención sanitaria de calidade”. 

Ollala Rodil asegura que “o responsábel único desta situación é o Goberno de Feijóo” e a súa política sanitaria “para  desmantelar e precarizar, aínda máis a Sanidade pública galega” como reflicte o último informe do Consello de Contas remitido recentemente ao Parlamento advertindo do aumento da interinidade e da temporalidade entre o persoal do SERGAS. 

Malia as mentiras e a propaganda do Partido Popular e de Feixóo, recalca Rodil “a realidade imponse” e no  último exercicio fiscalizado polo Consello de Contas os índices de temporalidade entre o persoal sanitario situáronse no 40% en atención especializada e o 28,1% en primaria que supón un incremento de dous puntos a respecto do ano anterior.

“O BNG exixe condicións de traballo dignas para as e os profesionais e dotacións orzamentarias suficientes para garantir o dereito fundamental das galegas e dos galegos a unha sanidade pública e de calidade, tamén en verán”, reitera a deputada.