Skip to main content
ActualidadeSecciones TerraCháXAZonas LUGOXA

A Garda Civil reforzará a vixiancia e os controis durante a ponte festiva

Por 15 Agosto, 2019Sin comentarios

A Garda Civil desenvolverá ata o domingo 18 de agosto a operación encaminada a reforzar a seguridade nas estradas da provincia con motivo dos desprazamentos que se realizarán nestas datas e que aúnan os desprazamentos do cambio de quincena estival, é dicir de longo percorrido, cos desprazamentos xerados polos innumerables festexos que se celebran, isto é, de curtas distancias.

Os servizos vanse intensificar orientándoos ao control do consumo de alcol e drogas, centrándoas nas localidades nos que se celebran festas populares e sendo reforzados nos horarios nocturnos. Tamén se controlará a velocidade, o uso do cinturón de seguridade e o uso do teléfono móbil durante a conducción.

As estradas nas que se pode producir unha maior densidade da circulación son a A6 e A8, é dicir, ás vías empregadas en longos percorridos, as estradas LU-P-0610, LU-P-6412, na zona de Fuciño do Porco e da Praia das Catedrais polo seu interese turístico, ademais da N-640 ao seu paso por Meira, polas festas patronais.

A Garda Civil recomenda extremar as precaucións nos desprazamentos destes próximos días e non relaxarse nas viaxes de corta distancia.