Skip to main content
ActualidadeFozSecciones TerraCháXAZonas AMARIÑAXAZonas LUGOXA

Foz esixiralle á Xunta a dotación completa na ambulancia medicalizada

Por 27 Setembro, 2019Sin comentarios

O Bloque de Foz, liderado por Francisco Xavier Fanego, informou sobre que o pleno aprobou a proposta para esixirlle á Xunta a dotación completa na ambulancia medicalizada con base na localidade.

No pasado mes de abril o SERGAS decidiu de xeito unilateral e coa a oposición dos traballadores do Servizo, mudar a asistencia no transporte de emerxencias sanitaria de Galiza, lembran os nacionalistas.  A pesar dos datos oficiais que demostran a necesidade de manter a dotación completa -dous Técnicos de Emerxencias Sanitarias (TES), un médico e un enfermeiro– da Unidade de Coidados Avanzados móbil da comarca da Mariña, matizan.

Sen a dotación de catro profesionais como se ten evidenciado en numerosas incidencias, sería imposible atender, cando menos, as 530 emerxencias documentadas oficialmente de 2018, aseguran os nacionalistas.  O 65,7% dos servizos prestados pola ambulancia medicalizada mariñá foron en 2018 primarios, unha cifra suficientemente contundente como para identificar unha necesidade de dotación como a que recibía até a actualidade.

Pero para o PP as ambulancias que agardan unha urxencia estan ociosas e deste xeito propoñen reducir o persoal, critican. O PP amosouse contrario a restaurar os servizos de transporte sanitario recortados na base de Foz por volta do 2011, e durante o 2019 deu un novo paso no recorte do servizo anunciando coa o posición de todolos traballadores (TES e sanitarios) a reducción da plantilla mais só nunhas áreas, apostillan.

A pesares disto a Consellería de Sanidade teima neste novo recorte, no que a  Provincia de Lugo vese afectada de novo polas modificacións na prestación  de servizos sanitarios que dende a Xunta de Galiza se impulsan e sempre son en detrimento da calidade asistencial, critican. Segundo as cláusulas publicadas cando se soubo deste abuso cara a cidadanía da Mariña e da de Monforte, non sería precisa a cobertura de 2 TES por vehículo e os resultados da adxudicación dos lotes (en concreto o número 8 que corresponde á Mariña) realizados tras numerosos retrasos en xullo de 2019, confirman que cada ambulancia estará dotada con 1 técnico no canto dos 2 técnicos en emerxencias sanitarias, informa o BNG.

As cláusulas na actual contratación recollen unha serie de excepcións para este servizo e que afectan a Foz e Monforte e que xa non contarán cun segundo técnico en emerxencias sanitarias, o que conleva unha limitación grave  na súa capacidade de resposta ante as emerxencias para as que sexa demandada a súa asistencia. Este feito, é unha nova discriminación e ataque ao sistema sanitario público da Mariña, obxectan. Ista decisión sen xustificación técnica nin baseada en adecuación dotacional mais que por motivos económicos, sitúa a provincia de Lugo nunha clara desvantaxe asistencial respecto de outras zonas de Galicia, así como provoca diferencias dentro da mesma Provincia de Lugo (a Área do HULA conta con 2 TES).  

Dende a concellería de Xuventude, en coordinación coa de Sanidade do Concello de Foz, formulóuse no último pleno municipal esta proposta e sometéuse á consideración para esixir á Xunta de Galiza a paralización da aplicación do procedemento de Contratación do Servizo de  Transporte Sanitario Urxente Terrestre para a Fundación Pública Urxencias Sanitarias de Galicia-061. Tamén resolven que se modifiquen as prescricións técnicas do mesmo de xeito que as ambulancias da Mariña conten coa mesma dotación de persoal que as do resto de Galicia e a do HULA, así como que a  dotación de técnicos en emerxencias sanitarias das ambulancias obxecto do presente contrato nunca sexa inferior a dous. A proposta obtivo o apoio da maioría da corporación.