O Parlamento de Galicia e a Asociación de Exparlamentarios/as organizaron unha charla-coloquio no IES Perdouro de Burela.
Neste acto participaron os exdeputados María Dolores Faraldo Botana, Ismael Rego González e Alberte X. Rodríguez Feixóo.
As charlas-coloquio son sesións divulgativas que teñen como obxectivo que o alumnado poida coñecer de preto o traballo que se desenvolve no Parlamento de Galicia.
Os exparlamentario explican as funcións da Cámara autonómica, a súa composición e órganos, e contestan ás preguntas do público asistente. A charla compleméntase cunha proxección audiovisual, que fai un percorrido pola realidade da principal institución política de Galicia.
