O Concello de Foz vén de publicar a aprobación dunha ordenanza municipal reguladora das condicións de acceso ao programa Xantar na casa.
Así, os interesados poden consultar a web municipal o anuncio co proxecto e coas bases e requisitos para o programa, así como o funcionamento do mesmo e completar a solicitude.
O Concello de Foz adheriuse ao Consorcio Galego de Servizos de Igualdade e Benestar por medio da sinatura dun convenio e manifestou a súa vontade de formar parte da implantación do programa Xantar na casa.
O programa Xantar na casa é un servizo de comida a domicilio que pretende facilitar e garantir unha alimentación equilibrada e de calidade, adaptada ás necesidades das persoas maiores e/ou dependentes, con déficits de autonomía persoal, ademais de cubrir as necesidades básicas relacionadas coa compra ou elaboración de menús.
