Do 27 de xaneiro ao 17 de febreiro o Centro de Interpretación da Mariña Cenima acollerá unha exposición de perfil ambiental e ecolóxico. Trátase dunha colección que mostrará a diversidade de flora e fauna en Galicia e convidará á protección e conservación da natureza.
Esta exposición foi organizada con motivo do Día dous Humidais, que terá lugar o 2 de febreiro e sendo o Concello parte da Rede Natura 2000.
“A natureza galega é un mosaico de paisaxes de costa e montaña, densas fragas e chairas extensas, rías onde conflúen os ríos e o mar, queirugais, matos e lagoas. Acóllese así unha importante diversidade de especies animais e vexetais. Esta exposición presenta ao gran público a diversidade e singularidade dos nosos espazos naturais protexidos, permite concienciar á poboación sobre a importancia da conservación do medio natural e o seu propio papel na preservación da natureza e das súas especies”, explican dende a concellería de Cultura de Foz.
