Skip to main content
Outeiro de Rei LUGOXAOuteiro de Rei TERRACHÁXA

CIG denuncia a Tegestacín polo impago dos salarios

Por 3 Febreiro, 2022Sin comentarios

A CIG presentou na xornada de onte unha nova denuncia contra Tegestacín polo impagamento de salarios correspondente á mensualidade de xaneiro de 2022.

Segundo indican “esta situación é reiterativa ó que se suma unha parte moi significativa do persoal coa falta de pago da mensualidade decembro de 2021”.

“Dende a CIG temos claro que non se pode continuar a manter por parte da empresa esta situación de irregularidade nos pagamentos ó persoal, así como unha xestión en remoto do que xa se coñece na contorna como unha empresa pantasma”, explican dende o sindicato.

Do mesmo xeito, infórmase que, rematado sen acordo o período de consultas o 28.01.2022, tal e como ratificou a Autoridade Laboral, a empresa ten de prazo 15 días para tomar a súa decisión sobre o ERE ou os despidos.