O Club Atletismo Ría de Foz presenta o seu calendario de carreiras Run Foz Run para este ano. Como principal novidade, incorporan unha proba 10km, distancia que moitos corredores veñen demandando dende fai tempo.
Deste xeito, a primeira das competicións terá lugar o sábado 18 de maio coa Carreira Popular Urbana Campo da Cabana, que abrirá en breves as súas inscricións. Trátase dun percorrido con dúas modalidades, de 10 e de 5 quilómetros.
O programa continúa en agosto coa décimo quinta edición do Foz Run. Pola súa parte, Ría de Foz organiza o 20 de outubro a V edición do Cros Os Castros Cangas e o 22 de decembro o tradicional Run Foz Run Nadal.
