Lourenzá acolleu a entrega de premios do Certame de Poesía de Nadal organizado pola Biblioteca Municipal.
No acto participaron a alcaldesa, Rocío López; o concelleiro de Cultura, Manuel Arango; a educadora familiar María Dolores Villasuso; e a técnica de Cultura María José López.
A organización estableceu tres categorías. Na primeira, para menores de oito anos, resultaron premiados Iria Álvarez Valea e Sara Terrón Martínez.
Na categoría B, para pequenos de 9 a 11 anos, os premios foron para David Cillero Oural, Mónica Varela Barreira e David Rivas Oliveros. Por último, na categoría C, para pequenos de 12 a 16 anos, gañaron Cristian Rodríguez Letu, Juan David Prado López e Fátima Itrih.
