Skip to main content
ActualidadeRibadeo

O Colexio Sagrado Corazón de Ribadeo recadou preto de 1.400 euros na carreira solidaria 'Gotas para Níxer'

Por 1 Abril, 2019Sin comentarios

O colexio ribadense Sagrado Corazón de Jesús celebrou o pasado venres a carreira solidaria Gotas para Níxer, coa que se recadaron 1.362 euros para Unicef Galicia. Nesta actividade, que se desenvolveu no Cantón dos Moreno, participaron 516 alumnos e alumnas do centro organizador: 96 de Infantil, 260 de Primaria e 160 de ESO.

A xefa de estudos do colexio Sagrado Corazón, Begoña Sanjurjo, explicou que con esta iniciativa “colaboramos con Unicef para levar auga e saneamento ás escolas de Níxer. As familias do noso alumnado exerceron de patrocinadores dos corredores e eles puxeron a súa gota ó servizo doutros nenos que non teñen a sorte de ter auga á man. Nesta ocasión reunimos 1.362 euros, que entregaremos a Unicef Galicia”.