Skip to main content
ActualidadeViveiro

Viveiro conmemorará o Día Internacional do Orgullo LGBT

Por 27 Xuño, 2019Sin comentarios

O Concello de Viveiro conmemorará o Día Internacional do Orgullo LGBT coa celebración dun acto que terá lugar o venres 28 de xuño, ás 17:00 horas, na praza da Habana Vella. 
Despois de que o Concello de Viveiro se sumase á iniciativa desenvolta noutros municipios -pintando dous bancos dese parque coa bandeira LGTB e outros dous coa bandeira TRANS-, o próximo venres colocarase unha placa conmemorativa nun dos bancos pintados coa bandeira transxénero, facendo constar o logo de Chrysallis, a Asocación de Familias de Menores Transexuais, que tamén estarán presentes no acto.
Con esta iniciativa, dende o concello quérese dar visibilidade a estes colectivos, concienciando en favor da igualdade e diversidade sexual, conscientes da necesidade de impulsar accións que sirvan para concienciar á sociedade sobre  a discriminación pola condición sexual e fomentar a igualdade real destes colectivos.