Skip to main content
ActualidadeOurol

Paco Nogueiras estará en Ourol co seu traballo musical Radio Bulebule

Por 9 Xullo, 2019Febreiro 19th, 2021Sin comentarios

Paco Nogueiras estará o mércores 10 de xuño ás 11:00 horas, no pavillón municipal de Ourol, co seu traballo musical Radio Bulebule.
O medio radiofónico é o inspirador deste espectáculo recollido tamén nun libro-CD composto de doce cancións en que a modo de programación dunha peculiar emisora non faltan a sintonía de entrada, a axenda cultural, o faladoiro, o magazine de variedades, a música, as noticias, o deporte, a previsión metereolóxica…
Paco Nogueiras convidará ás persoas que se acheguen a participar e a vivir en directo dunha radio itinerante, ambulante e cantante, chea de colorido e expresividade, e con composicións e melodías de ritmos modernos, pegadizos e bailábeis.
O espectáculo está recomendado para nenas e nenos entre os 3 e os 12 anos e as súas familias. A entrada será gratuíta.