Skip to main content
ActualidadeRibadeoSecciones TerraCháXAZonas AMARIÑAXAZonas LUGOXA

O barco Ventolín gañou o trofeo Concello de Ribadeo de vela

Por 9 Agosto, 2019Sin comentarios

Ventolín impúxose na regata de vela tradicional XXIX Trofeo Concello de Ribadeo do mércores día 7, con seis embarcacións participantes, na Semana Náutica Ría de Ribadeo. A proba celebrouse nunha tarde de pouco vento e con choivas, segundo a organización do Real Clube Naútico de Ribadeo. Ras e Aquiles quedaron segundo e tercera.

O sábado 10 ás 11 horas terá lugar o VI Trofeo Seat-Talleres Armando Escolas de Verán de vela lixeira e ás 17 horas dará comezo o VIII Trofeo Abanca de cruceiro local. E o domingo 11, ás 11 horas, terá lugar o XXI Trofeo Escola Municipal de Vela de lixeira e ás 17:00 horas o I Trofeo Xunta de Galicia de vela tradicional.

Ademáis para o luns 12 foi aprazado o IV Trofeo Banco Sabadell Galego de vela tradicional, que non puido celebrarse o pasado martes por falta de vento.

O sábado 17 de agosto celebrarase o acto de entrega de trofeos da XXIX Semana Náutica a partir das 20:00 horas nas instalacións do Real Club Náutico de Ribadeo.