O director do IES de Foz, Nicolás Asensio, e o inspector educativo do centro, Javier Suárez, realizaron unha mobilidade Erasmus+ en Alemaña, dende o 21 ao 28 de setembro, dentro do programa para Educación Superior KA103. Durante estes días visitaron diversos centros educativos que imparten FP no país xermano, como o Berufsbildende Schule Südliche Weinstraße, e centros da FP Dual, como o Johann-Georg-Doertenbach-Schule, coas particularidades propias desta modalidade no país. Tamén están coñecendo empresas onde realizan prácticas os alumnos/as deses centros e negocios relacionados coa hostalería do país, como bodegas ou escolas de viticultura, como a Weincampus Neustadt.
O fin destas actividades, financiadas pola Unión Europea, é a de acadar un maior desenrolo profesional dos participantes, mellorando o seu nivel de aptitudes e competencias clave, impulsando melloras na calidade e na internacionalización do IES de Foz, promovendo a concienciación dun espazo europeo de aprendizaxe, potenciando a dimensión internacional da organización e mellorando a ensinanza-aprendixaxe de linguas estranxeiras. Os resultados sempre son moi positivos para todos os participantes e para o IES de Foz, fomentándose novas mobilidades e outras formas de traballar.
Na fotografía aparecen Javier Suárez e Nicolás Asensio con Stephan Bernhard, chef do Le Jardin de France, restaurante con estrela Michelín que está en Baden Baden.
