Trabada conta con numerosas rutas de sendeirismo polas súas fragas de singular beleza natural, idóneas para percorrer este outono. É un concello pequeno, que agarda a que o visitante se achegue e desfrute das súas múltiples riquezas e experiencias. Unha destas sendas é a da Fraga da Becerreira, de seis kilómetros.
Discorre por un bosque caducifolio atlántico en bo estado de conservación, entre vexetación natural e autóctona, na que os protagonistas son os carballos e as arandeiras. No primeiro tramo de percorrido hai un aparcamento e un panel informativo do mesmo.
Comézase a ruta por un camiño que leva a Fraga da Becerreira, o sendeiro continúa de forma ascendente, acompañado do rego de Vilapercide en dirección ao seu nacemento e cruzándoo varias veces por distintas pasarelas de madeira. Esta fraga é das que máis beleza entrañan tamén polos múltiples anfibios que se atopan nas súas fontes e regos naturais.
A medio camiño hai unha fonte onde se pode facer unha parada no bosque de ribeira. Este tramo de sendeiro desemboca en As Liñeiras onde o percorrido se separa do rego para adentrarse cara a parte alta da fraga onde se poden observar numerosas especies como carballos, castiñeiros, arandeiras ou acivros.
Continúa pola parte alta da fraga, onde hai outra fonte e regrésase ao punto de partida a través dun descenso mediante curvas abertas, para disminuír or riscos de erosión e de dificultade do sendeiro.
A outra ruta principal de Trabada é a de Vilapena, que conta con dúas alternativas, unha de menor percorrido, de seis kilómetros, e outra de dez.
Esta ruta rodea e atravesa a Fraga de Vilapena, caracterizada pola presencia de erbedeiros. Ao comezo hai unha zona de aparcamento e un panel informativo da ruta. Atravésase o pobo ata alcanzar a igrexa, na que se destaca o seu retablo barroco. Tras saír de Vilapena o camiño vai cara a fraga.
Máis adiante, ofrece dúas posibilidades, tomando unha pista á dereita ou continuar de frente dous kilómetros seguindo a pista que conducirá ata o alto da Pena do Gorro, desde onde hai unha espléndida vista do val de Vilaformán e Vilapena. A bifurcación dá a opción de recorrido máis curta. Tomando a mesma pista forestal, pouco a pouco, o visitante adéntrase na fraga na que o rei indiscutible é o carballo.
No seguinte tramo paséase entre un bosque de madroños. Se o camiñante realiza a ruta en outono e inverno ademais poderá saborear o seu curioso froito de cor vermella.
O sendeiro pouco a pouco faise máis sinuoso e algo escarpado ata desembocar nun punto onde cruza o rego de Vilaformán. O retorno remata na zona de aparcamento dende a saída da fraga por unha pista forestal.
A ruta do vento, de 11 kilómetros, é moi sinxela, discorre na súa totalidade por pistas existentes, de escasa pendente. Ademais da fascinante paisaxe, pódese desfrutar de impresionantes vistas panorámicas dende o alto de Cerrochán, o punto máis alto do Concello (776 metros), así como dunha explotación mineira a ceo aberto. É ideal para un percorrido en bicicleta ou a cabalo.
Comeza na Área Recreativa Chao do Couso que conta cunha fonte, varias mesas e un refuxio. Síguese pola estrada de Riotorto aproximadamente uns 300 metros para logo desviarse á esquerda por un camiño que levará ata ao alto do Cerrochán, onde se pode desfrutar dunha excelente vista dos vales de Trabada.
Continuando, avístase unha arboleda que envolve ao visitante e seguindo o camiño, atópanse unha cascada ou fervenza e unha fonte. Continuando, rodeado pola Fraga da Cabanela, chégase a un punto onde se une coa ruta da Fraga da Vilapena. Dese punto sae un ramal á dereita para deleitarse cunha vista panorámica da Fraga de Vilapena e de Vilaformán, que se poderá alcanzar opcionalmente, unha media hora máis, entre ida e volta.
De regreso, parte deste último tramo é compartido co da ruta da Fraga de Vilapena. Conta cun refuxio de madeira e pódese observar a gran diversidade de especies: erbedeiros, acivros, castiñeiros… ata o punto no que gradualmente cambia a paisaxe, onde destacan masas de coníferas, e entre elas o pino silvestre.
Respecto da ruta da subida ao Picato, que tamén conta dúas alternativas, pódese facer unha de menor percorrido, con cinco kilómetros, e outra con sete. Tamén é ideal para realizar a cabalo, en bicicleta ou a pé.
Parte da Área Recreativa Chao do Couso. Para comezar o percorrido a pé, tómase a pista de terra que deixa á esquerda á área. No inicio a ruta apenas ten dificultade pero a medida que se vai adentrando paulatinamente no bosque de pino silvestre, o camiño vólvese cada vez máis empinado ata chegar ao alto do Picato, (743 metros).
Logo hai dúas posibilidades de regreso: unha de menor percorrido a través de masas de pino silvestre e outra atravesando por preto da fraga da Becerreira e máis tarde unha paisaxe onde se pode observar o típico mosaico galego.
E por último Trabada ofrece a ruta do Monte Roxal de Teixido, de 7,2 kilómetros, moi sinxela. Avanza por pistas forestais, conta cunha variada gama de paisaxes onde o visitante entra en contacto cos diferentes usos do chan presentes no territorio galego. Pódense observar boas panorámicas da Serra da Cadeira. Atravésase a Fraga de Teixido por pistas forestais. Na metade do tramo conta cunha fonte. A baixada remata nunhas das pistas de concentración parcelaria polo que se producirá un cambio de paisaxe pasando a parcelas dedicadas ao aproveitamento do eucalipto, prados e cultivos. Este último tramo realízase na súa totalidade por pistas e remata no punto inicial.
