O alcalde, Alfredo Llano, e o concelleiro de Cultura, José Díaz, asistiron á inauguración da XXVII exposición de fotografías do Club Imaxe de Burela na sala de arte da Casa da Cultura. A mostra poderá visitarse ata o vindeiro 27 de novembro, aínda que se pode prolongar máis.
O Club Imaxe Burela organiza cada ano a exposición, pero a mostra acada este ano a súa edición número 24. Está formada por cuarenta instantáneas tomadas por dez socios do colectivo. As imaxes están inspiradas principalmente en Burela, aínda que tamén hai fotos de outros lugares da comarca e de fóra da mesma.
Aínda que o clube está formado por afeccionados ao eido da fotografía, a entidade déulles liberdade aos socios para elixir a temática dos traballos. Boa parte dos participantes se inspiraron de novo no mar e nas paisaxes.
A exposición pode visitarse de luns a venres, en horario de mañá e tarde, dende as 9 e ata as 13 horas e de 17 a 20 horas. As imaxes permiten descubrir e pasear pola costa lucense a través da fotografía e das 36 fotos expostas de 36×24 e as catro de 30×40.
