A Asociación Cultural O Feitizo vén de programar os novos cursos para esta tempada 2019/2020.
Así, ofertan clases de baile tradicional para adultos e nenos e preparan cursos de percusión e gaita, ademais, das clases de batuca e zumba.
Os horarios para estas clases de batuca son os luns e xoves no local do Bahía de 19.30 a 20.00 e de 20.30 e 21.30, e os mércores no centro social de 17.30 a 18.30.
Para os de baile tradicional hai diferentes horarios en función da idade e serán no centro social, así, os nenos de 3 e 4 anos poden ir os xoves de 18 a 19, de 5 ata 12 anos os mércores de 18.30 a 19.30, e os adultos os mércores de 19.30 a 20.30. A partir das 20.30 serán os cursos de gaita e percusión.
Os socios teñen dereito a asistir a todas as actividades e clases por un prezo de 15 euros. No caso de familias, o primeiro membro pagará 15, o segundo 10, o terceiro 5 euros e para o cuarto en adiante é de balde.
Para máis información ou anotarse é necesario chamar ao 649 905 842.
