Skip to main content
ActualidadeBurelaSecciones TerraCháXAZonas AMARIÑAXAZonas LUGOXA

Burela celebrará o Congreso Nacional de Artes de Pesca

Por 28 Novembro, 2019Sin comentarios

A Fundación Expomar organiza un proxecto de divulgación da cultura mariñeira, o primeiro Congreso Nacional de Artes de Pesca, que será os días 12 e 13 de decembro, así como o primeiro Congreso Infantil Conservemos o noso Mar.

“Reivindicarase e difundirase o uso e coñecemento das artes de pesca tradicionais” así o destacou o presidente da fundación e alcalde da localidade, Alfredo Llano, quen sinalou que o obxectivo é poñer en valor este tipo de pesca “respetuosa co medio ambiente e sostenible”.

O congreso terá lugar no salón de actos de Armadores de Burela durante a tarde do 12 e a mañá do 13 de decembro, xornadas nas que haberá diferentes conferencias e mesas de debate sobre as artes de pesca e o sector pesqueiro.

Participarán persoeiros como o patrón maior de Burela, Basilio Otero, o seu homólogo en Tarifa, Manuel Suárez, e o Director Xeral de Pesca das Illas Baleares, Juan Mercant, e charlarán sobre os distintos tipos de artes de pesca en cada área xeográfica.

O 12 día pola mañá celebrarase na casa da cultura de Burela o congreso infantil, centrado sobre todo para promover os comportamentos respetuosos co medio mariño e que inclúe un concurso de debuxo, O Mar Luce, entre alumnos dos centros educativos locais.

No congreso infantil presentaranse a curta Todos os días o mar, e Herminia Pernas, doutora en Historia Contemporánea, falará da contribución do porto de Burela á pesca sostible.