Ao longo do día 5 de xaneiro, os reis magos percorrerán todas as parroquias de Mondoñedo, escoltados polo vehículo de Protección Civil.
Comezarán ás 9 horas ata ás 15 horas e xa pola tarde, visitarán o Hospital de San Pablo e a Residencia da Terceira Idade San Rafael.
Ás 18.30 horas, partirá a comitiva das súas Maxestades de Oriente xunto aos seus séquitos dende a Alameda dos Remedios para percorrer as rúas do casco histórico.
A partir das 19.30 horas, no auditorio municipal, recepción dos Reis Magos a todos os nenos que se acheguen.
Como novidade, a Asociación Cultural O Pasatempo organiza unha chocolatada na Praza do Concello, a partir das 20.30 horas.
