O pasado domingo disputáronse as eliminatorias do grupo B das categorías sub16 e sub18 onde se atopan encadradas as territoriais Galega e Asturiana.
O combinado Gallego medíase a Navarra, unha vitoria daríalle o pase á final polo ascenso ao grupo A nacional, mentres que o Asturiano xogaba a súa eliminatoria fronte a Cantabria por fixar posición a partir do cuarto posto do Grupo B, despois de caer na súa primeira eliminatoria, precisamente fronte a Galicia.
O BeOne xoga liga Sub16 Galega e por tanto os seus xogadores nesta categoría son seleccionables por Galicia mentres que os Sub18 o son con Asturias ao atoparse xogando unha nova liga Senior promoción no Principado a cal permite, coas correspondentes salvagardas de seguridade, que os sub18 disputen partidos desta categoría.
Para o Sub16 Galego os seleccionadores contaron con tres novos promesas do club Ribadense;
Álvaro Fdez., un fixo do últimas tres tempadas co grupo e que, a pesar de ser de primeiro ano, disputou como titular o partido, aínda que fóra da súa posición habitual, adoita xogar de apertura e nesta ocasión xogou o seu primeiro partido como traseiro. A súa achega defensiva foi notable e nos poucos balóns de ataque dos que dispuxo a selección Galega estivo moi activo.
Alberto Pérez, xogador de segundo ano e que a pesar de xogar habitualmente de terceira liña no seu club saltou na segunda parte ocupando a posición de pilier, posto onde ata a data non disputara nin un só minuto co seu club, a pesar de todo liquidou a papeleta o mellor que puido e en xogo aberto desplego o seu bo facer ofensivo e o seu contundente defensa.
Daniel Amor, xogador de segundo ano e que saltou nos minutos finais na súa posición de primeira liña habitual no seu club, foi nestes momentos onde se estabilizaron as meles, unha das debilidades durante todo o partido, e igualáronse forzas entre ambos os paquetes de dianteiros. Sen dúbida a potencia e velocidade do bravo xogador do BeOne non pasou desapercibida o tempo que estivo sobre o céspede.
Galicia caeu derrotada por un contundente 12-36, sen dúbida a pouca compenetración entre os xogadores, con poucas horas de adestramento conxunto e os cambios de posición da maioría deles non axudaron, a dispersión xeográfica dos club e a falta de terreos de xogo dispoñibles para as concentracións das seleccións Galegas fan difícil que cheguen en condicións óptimas a este tipo de compromisos. Algo no que sen dúbida, a F. G. R. xa está a traballar para solucionar.
Pola súa banda a selección do Principado de Asturias Sub18 levou a un dos tres xogadores do BeOne nesta categoría.
Daniel Rosales, xogador de primeiro ano e que sen dúbida terá percorrido e continuidade nesta selección, rápido e valente tres cuartos que adoita xogar de defensor no seu club, aínda que na posición de Á tamén se atopa cómodo pois o desborde é os duelos individuais é unha das súas virtudes. Xogou de Á titular, anotando un dos ensaios que levou a Asturias a levar a eliminatoria fronte a Cantabria
