Ribadeo acollerá o primeiro concurso Puzzleo Ribadeo o domingo 15 de marzo
Xa está aberto o prazo para apuntarse ao primeiro evento destas características.
Participarase por parellas e será na Escola Municipal de Música de Ribadeo a partir das 11.30 horas.
A parella gañadora será aquela que antes remate un quebracabezas de 500 pezas, sendo 2 horas o tempo máximo.
Haberá premios para as tres parellas máis rápidas así como para a primeira parella local.
A inscrición farase a través da páxina de Aepuzz www.aepuzz.es, cun prezo 14 euros por parella e un desconto de 2 euros por persoa para ribadenses.
