A Asociación de veciños de Santa Comba de Órrea celebrará o día 21 de marzo un torneo de tute para parellas para o que o prazo de inscrición xa está aberto.
Este evento terá lugar no local social da Órrea e recibirán un trofeo as tres parellas mellor clasificadas. NOn haberá retribución en metálico xa que a inscrición é de balde.
A modalidade de xogo será de parellas todas contra todas con partidas a 12 xogos e a clasificación farase por xogos gañados.
Segundo o número de inscricións, as parellas poderán ser repartidas en grupos. Nese caso xogaríanse semifinais e final.
A data límite para anotarse é o 19 de marzo e esta pode facerse na Taberna de Montse ou con calquera membro da xunta directiva da asociación.
