Skip to main content
ActualidadeBurelaSecciones TerraCháXAZonas AMARIÑAXAZonas LUGOXA

O Concello de Burela únese á campaña ‘La Hora del Planeta’

Por 27 Marzo, 2020Sin comentarios

O Concello, a través da Delegación de Medio Ambiente, que dirixe Toñi Eijo, adheriuse á campaña La Hora del Planeta e apagará o vindeiro sábado, 28 de marzo, de 20:30 a 21:30 horas a iluminación de diferentes edificios públicos, fontes e tamén a das pinturas do porto.

Toñi Eijo lembra que “esta iniciativa naceu en Sidney no 2007 como un xesto simbólico para chamar a atención sobre o problema do cambio climático. Un sinxelo xesto que consiste en apagar as luces de fogares, negocios, edificios e monumentos durante unha hora”.

A edil burelesa explicou que “este ano, debido ás circunstancias excepcionais que estamos a vivir, propóñennos a todos os cidadáns participar no acto Apaga la luz. Todo irá bien, que consiste en apagar a luz e saír ao balcón ou fiestra o 28 de marzo ás 20:30 horas e enviar a seguinte mensaxe colaborativa de esperanza Apaga la luz. Todo saldrá bien en morse utilizando a lanterna do móbil”.

Toñi Eijo sinalou que “podes facelo descargando a aplicación linterna morse no teu móbil. Queren encher os balcóns e fiestras dos pobos e cidades de milleiros de destellos para recordar que alí onde esteamos, este ano dende a casa (#QUÉDATENACASA), todas as persoas seguimos conectadas e concienciadas da necesidade de coidar a casa de todos: a Terra”.

A concelleira de Medio Ambiente engadiu que “de paso queremos aproveitar esta ocasión para seguir coa mensaxe máis importante destes momentos, quédate na casa, quédadevos na casa, non saiades se non é necesario, entre todos o conseguiremos, moito ánimo para os nosos veciños e veciñas”.