A situación de crise sanitaria provocada polo coronavirus que estamos a vivir obrigou a todas e todos a adoptar e extremar as medidas de hixiene e limpeza entre outras, tanto no ámbito privado como público, para evitar o contaxio e preservar así a saúde das persoas.
O BNG vén de solicitar a través da posta en marcha dun protocolo de prevención de contaxio nos caixeiros automáticos, extremando as medidas de hixiene e limpeza.
As entidades bancarias pedían á clientela que empregasen a tecnoloxía para evitar o acceso ás oficinas, informando que ían asegurar a distribución de efectivo a través das máquinas, tal e como confirmou o propio Banco de España na devandita nota na que destacaba que a plena operatividade das redes de caixeiros automáticos permitiría á clientela a disposición de efectivo e o acceso a parte da operativa básica sen necesidade de acceder ao interior das sucursais.
Por todo isto, e a fin de preservar, previr e garantir a saúde e seguridade dos usuarios da rede de caixeiros automáticos das súas oficinas bancarias de Viveiro, os nacionalistas piden BNG piden adoptar medidas de protección para previr a propagación do virus entre a súa clientela, a través da instalación, por exemplo, de dispensadores de xel antibacterial, luvas, papel, ou calquera outro elemento de protección recomendado polas autoridades sanitarias.
