Axencia de colocación

Cervo non emitirá recibos dos servizos municipais que non se estean prestando

O Concello de Cervo non emitirá recibos ás persoas usuarias daqueles servizos municipais que non se estean prestando a causa do coronavirus.

Deste xeito, desde o 15 de marzo non se cobrarán as taxas  da Escola Infantil Municipal, das Escolas Deportivas Municipais e da Piscina Municipal que correspondan a este período de cese obrigado da actividade.

Así mesmo, outra das medidas que se adoptou é a eliminación da taxa de terraza desde ese mesmo 15 de marzo e ata que estes negocios poidan normalizar a súa actividade.

Ademais, aprobouse a flexibilización do pago dos canons de todos os servizos municipais que se prestan de xeito directo. Deste xeito, a veciñanza terá a posibilidade de aprazalo ata en catro meses, sen ningún tipo de recargo, e sen ter que comunicalo en dependencias municipais.

Etiquetas