Adamo continúa levando a Fibra Óptica máis rápida á Mariña lucense, en concreto ao Concello de Ribadeo.
O núcleo de Ribadeo ten acceso á fibra e ademais estanse estendendo ás diferentes parroquias. Actualmente teñen presencia en Ove, Piñeira, Ribadeo e Vilaselán.
Excepto o núcleo principal de Ribadeo, non están cubertas todas as parroquias aínda pero seguen traballando no despregamento.
A prioridade de Adamo, que comezou fai dous anos a desenvolver o seu plan en Galicia, é actuar nas áreas rurais que carecen de banda ancha, como xa fixo en zonas de Mondoñedo, Foz, Barreiros, Burela e varias parroquias de Viveiro. Os destinos nos que actuar selecciónanse pola iniciativa popular que se atopa na súa web e na que a xente fai unha petición.
Seguen centrando os seus esforzos no rural, xa que a conectividade a Internet é deficitaria, e por suposto por unha firme aposta polo desenvolvemento e estabilización destas poboacións.
Para poder levar a fibra óptica a estes lugares utilízanse as canalizacións e infraestruturas de Viesgo na súa área de influencia.
