A aprobación do orzamento deste ano 2020 do Concello de Burela debatirase no Pleno que se celebrará o día 4 de xuño.
A aprobación das contas é totalmente necesario para o funcionamento do Concello, pero sobre todo para a aprobación de medidas de apoio aos autónomos e hostaleiros que tiveron que pechar os seus negocios nestes últimos meses de crise.
Esta sesión poderase celebrar presencialmente, sempre coas medidas e distacias de seguridade, pero tan só se a comunidade galega pasa a Fase 2.
Así, o Concello de Burela recuperará o servizo de atención presencial nas dependencias municipais pero con cita previa. Os traballadores iranse incorporando pouco a pouco aínda que poderán seguir co teletraballo.
