A asociación sociocultural Mariña Patrimonio organiza para este xoves 28 de maio unha conferencia sobre o rico acervo cultural das lendas e tradicións.
Para isto o profesor e xornalista Manuel Gago analizará, mediante numerosos e fascinantes exemplos, como a tradición oral transforma e inventa a memoria das comunidades.
A través deste interesante relatorio descubriremos en que medida a tradición oral garda a memoria do pasado e que recordos parecen pervivir no imaxinario colectivo, mentres que outros desaparecen sen deixar aparentes pegadas.
Debido ás actuais circunstancias derivadas da pandemia a conferencia Os misteriosos espellos da tradición. Conexións entre Historia e imaxinario na tradición oral galega poderá seguirse en streaming a partir das 19.30h. a través do Facebook de Mariña Patrimonio.
