O Ministerio de Transportes Movilidad e Axenda Urbana (Mitma) está a executar traballos de reparación en catro pasos superiores da estrada N-642, no termo municipal de Foz, nos km 29,700, 32,300, 33,000 e 33,900, cun orzamento de 600.000 euros.
Con motivo dos traballos de reparación do paso superior situado no km 32,300, cuxa estrutura resultou dañada polo paso dun transporte especial o pasado mes de marzo, a partir do próximo 15 de xuño, produciranse afeccións ao tráfico dispoñendo paso alternativo a través dun carril regulado por semáforos. A duración aproximada dos traballos será de 4 semanas.
Finalizados os traballos de reparación, procederase a incrementar o gálibo vertical nos pasos superiores dos km 29,700, 32,300 e 33,000 da N-642. A elevación de gálibo vertical neses tres pasos superiores executarase en horario nocturno para minimizar a súa afección ao tráfico, con corte total da calzada e habilitando itinerarios alternativos que estarán debidamente sinalizados.
