O director do Campus Basket Entrenos, Nacho Mota, que se celebra en Cervo vén de comunicar a súa cancelación.
Este Campus de baloncesto celebraríase do 28 de xuño ao 4 de xullo.
Hai semanas, a Asociación Deportiva e Cultural Entrenos encabezou a agrupación de máis de 20 campus de toda Galicia co propósito de traballar conxuntamente coa Xunta de Galicia para poder establecer un protocolo sanitario que nos permitise desenvolver a nosa actividade da forma máis segura posible para todos.
Tal e como comunicaron fai tan só unha semana, estaban á espera dunha segunda reunión onde esperaban poder definir devandito protocolo. Esta segunda reunión aínda non se celebrou.
Esta situación de incerteza a día, sumado a un exercicio de responsabilidade pola directiva do Campus ante a situación de crise sanitaria fai que definitivamente” tomemos a decisión de non celebrar Campus Basket EntreNos 2020″, di Mota, “tentámolo ata o final, pero consideramos que aínda non dispoñemos dun marco seguro para poder levalo a cabo”.
“Desde hoxe mesmo, empezamos xa a pensar no Campus Basket EntreNos 2021. Isto non é un adeus nin moito menos, é un ata pronto. E estamos seguros que toda esta situación fará que o ano que vén sexa aínda máis especial o reencontro co máis importante que ten EntreNos: o nosos xogadores”, engadiu.
