A Biblioteca Pública Municipal de Foz celebra o Día do Libro agasallando aos usuarios con libros infantís onte, xoves, e hoxe, venres.
O concelleiro de Cultura, Héctor Moris, explica que “a Biblioteca Pública Municipal de Foz celebra o Día do Libro, retrasado pola situación que vivimos da pandemia do Cocid-19, promovendo a lectura como referente da creación de hábitos que enriquecen a personalidade propia e que toma especial consideración nos máis pequenos. Para isto, os pais que se acheguen á nosa biblioteca hoxe recibirán un agasallo en forma de libro infantil recomendado para idades de 3 a 8 anos. Hai que incidir na importancia de fomentar nestes primeiros anos o hábito lector, ferramenta para o desenvolvemento creativo a as capacidades cognitivas, as súas inquedanzas e gustos propios que mellorarán a súa formación e riqueza cultural”.
Héctor Moris engade: “aproveita e faite socio, tanto adulto como infantil, accedendo a GaliciaLe, a plataforma de préstamo de obras en formato electrónico, con libros, revistas, audiolibros, películas …, tanto en lectura en liña como mediante descarga”.
