A organización do festival Osa do Mar de Burela comunicou a cancelación da celebración deste ano que ía facerse o 14 e 15 de agosto.
“Estivemos esperando o máis posible para tomar unha decisión sobre o Osa Do Mar e esgotar as opcións pero cremos que é mellor non realizar o festival este ano”, dixeron.
Así, “despois de analizalo detidamente consideramos que non seriamos capaces de facer o Osa do Mar coa súa esencia e obxectivo respectando as medidas que se recomendan”, engaden.
Ademais non descartan facer algo “simbólico” esa fin de semana do 14 e 15 de agosto.
