A galería Regal Xunqueira de Viveiro acollerá ata o 30 de setembro a exposición pictórico-literaria Frágiles de Damián Retamar.
A mostra é un percorrido pictórico-literario ao redor da fraxilidade que rodea ao mundo, e toca temas como a inmigración, a familia, a fauna e outras realidades que son plasmadas na obra do pintor. Ademais son complementadas con textos que realizados en exclusiva para a ocasión.
A obra pictórica de Damián Retamar examina a contorna social, natural e ecolóxica cunha mirada que busca ser un incentivo educativo e cultural cuxo mensaxe transcenda o meramente artístico.
As obras presentes na exposición están realizadas cunha técnica mixta e o soporte é cartón recolleito de contedores de reciclaxe proveniente de caixas de embalaxe, o que reforza a mensaxe da fraxilidade ao figurar neles, como parte da obra, a palabra fráxil ou moi fráxil.
Os cadros preséntanse apoiados por textos de figuras socialmente tan relevantes como o chef José Andrés, os cantautores Luís Pastor e Amancio Prada, a avogada e política Cristina Almedia, o Pai Anxo, o actor Pepe Viyuela, o naturalista Joaquín Araujo, a bióloga Sandra Díaz, as presidentas de Amnistía Internacional e o Comité Español de ACNUR e os poetas Luís Alberto de Cuenca, Inma Chacón e Ángel García López, entre outros.
