A coordinadora do rural do PP de Ribadeo, Montse Seijo, esíxelle ao goberno local do BNG que “se active no rural”. Así o manifesta a popular en relación á “lamentable estado” da estrada que discorre entre Rinlo e A Devesa.
Trátase dunha estrada municipal que soporta importante tráfico porque, tal e como explica Seijo “comunica estas dúas parroquias ribadenses” e, por iso, “é moi empregada polos veciños e veciñas da zona”; pero, ademais, “durante a época de verán son moitos os turistas que a empregan ao tratarse da vía de comunicación máis próxima á costa.
O mal estado do firme que se atopa cheo de baches constata para Seijo “a falta de interese do goberno municipal polas infraestruturas viarias do rural ribadense”. É que a popular sinala que “esta situación esténdese tamén polo resto do municipio”.
Os populares instan ao goberno municipal a “velar pola conservación das estradas que vertebran o termo municipal” porque se trata de vías de comunicación moi empregadas polos veciños e veciñas da zona rural.
