O Concello de Viveiro realiza estes días probas de detección da covid-19 a todos os conserxes das instalacións municipais.
En concreto, onte fixéronlle as probas aos conserxes dos centros educativos e do pavillón, con resultado negativo todas elas. Hoxe é a quenda para os conserxes dos centros socioculturais e do concello.
Ademaís, hoxe realizouse unha sesión de formación sobre o coronavirus dirixida aos conserxes das instalacións municipais e os profesores do conservatorio de música, coas pautas e os protocolos que deben manexar.
“Dentro das nosas competencias, temos que tomar todas as medidas posibles para facer fronte á pandemia e limitar os riscos, destacando a receptividade e a boa disposición de todos e todas as traballadoras”, asegura a alcaldesa de Viveiro, María Loureiro.
