Os concelleiros do grupo municipal do PP de Trabada, José María Fernández Vázquez e Juana María Rodríguez Maseda, entregaron no Ceip Celso Currás un lote de 40 máscaras de protección para os alumnos fronte aos contaxios da covid-19.
O portavoz popular, José María Fernández, explicou que con esta aportación queren expresar, con humildade pero con total firmeza, o seu compromiso na loita contra esta pandemia. Manifestou: “É un xesto sincero co que nos presentamos e poñémonos a disposición de todas as familias do municipio, nun momento no que a axuda e a implicación de todos é moi necesaria”.
Os concelleiros populares procederon á entrega do lote de máscaras durante o recreo no centro escolar.
