Barreiros Mar e Monte prepara un novo roteiro para o sábado 3 de outubro.
Así, poderase desfrutar da ruta por Ferreira O Valadouro, que contará con visitas a Prado das Chantas, Dolmen Santo Tomé e fervenza Torez. Será unha ruta circular duns 10 quilómetros.
Ademais, haberá un xantar no hostal O Novo de Ferreira por 12 euros.
A saída farase ás 10 horas dende o café bar Moderno.
Recomendan anotarse chamando ao 622 758 079.
Dende a asociación lembran que o venres 9 de outubro haberá outra ruta por Lourenzá e polbo para xantar, e o domingo 10 será polos Oscos, ao que haberá que levar bocadillo.
