Membros do comité de empresa de Alcoa entregaron os premios da regata de piragüismo da Liga Provincial de Foz, na que o Cidade de Lugo se impuxo.
O equipo lucense aproveitou que o Club Fluvial non participou para poder clasificarse por equipos, facendo un total de 2.779 puntos e superando en máis de mil ao segundo clasificado, o Viveiro Urban Hotel, que fixo 1.625.
O podio por equipos completouno o Altruán de Ribadeo, con 1.182 puntos. O Káyak de Foz e o CD San Ciprián ocuparon a cuarta e a quinta praza.
Finalizada a II Regata da liga provincial de Lugo Copa Diputación celebra en Foz os gañadores das categorías masculinas en k-1 foron Iago García (Káyak), en cadetes; Damián García (Cidade de Lugo), en xuvenís; Daniel Fernández (Cidade de Lugo), en infantís A; Denis Castro (Cidade de Lugo), en infantís B; Yaroslav Alforov ( Cidade de Lugo), en alevíns A; Álex Santor (Káyak Foz), en alevíns B; José Oca (Viveiro Urban Hotel), en benxamín, e Aritz Núñez (CD San Ciprián), en prebenxamíns.
Nas probas de c-1 gañaron Antonio Fernández (Cidade de Lugo), en cadetes, e Teo Llamazares (Cidade de Lugo), en alevíns A.
Nas categorías femininas, foron todas en k-1, as gañadoras foron Ainhoa Pérez (Káyak Foz), en cadetes; Emma Devesa (Cidade de Lugo), en xuvenís; Andrea Rodríguez (Altruán Ribadeo), en infantís A; Sara Abel (Cidade de Lugo), en infantís B; Alba González (Altruán Ribadeo), en alevíns A; Lea Oca (Viveiro Urban
Hotel), en alevíns B; Ángela Abel (Cidde de Lugo), en benxamín, e Leyre García (Káyak Foz), en prebenxamíns.
A última proba da liga provincial terá lugar a última fin de semana deste mes, no pantano de Río Covo, en Cervo.