O vindeiro martes, 27 de outubro, a experta en marca persoal e Verónica Ramallal (CEO de Pekecha) será a encargada de impartir unha masterclass para o alumnado do CIFP Porta da Auga, de Ribadeo, a través dun webinar que será retransmitido ás 9:30 da mañá e que terá unha duración aproximada de 90 minutos.
O vicedirector do centro, Adrián López, explica que “os participantes poderán coñecer novas estratexias para enfrontarse ó mercado laboral de forma eficaz nun contexto tan complexo e cambiante como o que actualmente nos está tocando vivir”.
Esta formación será gratuíta e o CIFP Porta da Auga dispón dun número de prazas limitado para as persoas alleas ó centro, por iso toda aquela persoa que estea interesada poderá obter máis información accedendo á nova páxina web do Porta da Auga (www.portadaauga.es) e inscribirse a través da mesma accedendo ao seguinte enlace: www.portadaauga.es/webinars.
