O Club de atletismo Ría de Foz comunicou a incorporación de Daniel Trigo, nado en Ferreira do Valadouro en 1985.
Este atleta valadourés é un vello coñecido do mundo do atletismo mariñao e lucense e a súa bagaxe atlética conta cun extenso número de probas realizadas ao longo da xeografía galega, nas que se inclúen vitorias e podios.
Despois de facer fronte a máis dunha lesión, Daniel volve con máis ganas ca nunca ao circuíto competitivo. Centrarase, especialmente, nas probas de medio maratón e maratón pero sen perder de vista calquera das probas de ruta ou cross.
Desde o Ría de Foz “aledámonos moito de que Dani escolle as nosas cores para calzar as zapatillas. Coa súa incorporación, gañamos un gran atleta e unha persoa moi preparada no campo do adestramento atlético”.
