As inclemencias do inverno combinado coa crise económica derivada da covid están a causar escaseza de produtos no roupeiro municipal de Foz, entidade solidaria que ofrece produtos de primeira necesidade para persoas en risco de exclusión social.
Así, segundo anunciaron os seus responsables, nestes intres faltan mantas, sabas de franela e edredóns para camas de 1,35. Así mesmo teñen carencia de calcetíns das tallas 39 á 45.
As persoas que queran colaborar con esta obra social poden entregar estes produtos no local de recollida de alimentos, a carón do centro social, de luns a venres de 10.00 a 13.00 horas.
