O 6 de abril a Asociación Eco das Minas da Pontenova organiza un novo obradoiro de acuarela que se impartirá no local das asociacións de 16.00 a 18.30 horas.
Nesta sesión e partindo das bases da acuarela e empregando a técnica de trazado e recheo, os participantes realizarán un estampado natural sobre papel.
O obradoiro está dirixido tanto a persoas que queiran iniciarse e probar, como ás que xa saben e queren dar un paso máis.
Todos os materiais están incluídos no prezo, que é de 15 euros, aínda que se alguén quere levar os seus materiais poderá facelo.
Para participar será necesario inscribirse chamando ao 659 354 654, 610 947 738 ou 653 434 712.
